ដំណោះស្រាយនិង​វិធី​ការពារ​កុំឲ្យ​រមួលក្រពើ​

03/04/2018 -  176

​រមួល​ក្រពើ អាច​កើតឡើង​ដោយសារ លំហូរ​ឈាម​រត់​មិនល្អ មិនបាន​ពុត​រាងកាយ​គ្រប់គ្រាន់​មុនពេល​ហាត់ប្រាណ ហាត់ប្រាណ​នៅ​កន្លែង​ក្តៅ សាច់ដុំ​អស់កម្លាំង ខ្សោះ​ជាតិ​ទឹក កង្វះ​ជាតិ​កាលស្យូម​លើ​ស្ត្រី​មាន​ផ្ទៃពោះ  និង​កង្វះ​សារធាតុចិញ្ចឹម​សំខាន់ៗ​ផ្សេងៗ​ទៀត​ជាដើម​។ 

​នៅពេល​មាន​បញ្ហា​នេះ​កើតឡើង អ្នក​គួរ​ម៉ាស្សា ដើម្បីឲ្យ​ចលនា​ឈាម​ហូរ​ទៅ​ចាក់​បំពេញ កន្លែង​ដែល​ខ្វះខាត​។ អ្នក​អាច​ប្រើប្រាស់​ក្រណាត់​ជ្រលក់​ទឹ​កក្តៅ យកមក​ស្អំ​បរិវេណ​សាច់ដុំ​ដែល​រមួល ដើម្បី​ជួយ​សម្រួល​ដល់​លំហូរ​ឈាម​រត់ និង​អាច​ប្រើ​ដុំ​ទឹកកក​ស្អំ ដើម្បី​បន្ថយ​ការ​ហើម​។ អ្នក​អាច​ឆ្លាស់គ្នា​ស្អំ​កន្សែង​ទឹក​ក្តៅ​និង​ដុំ​ទឹកកក​ម្នាក់​ម្តង​ក៏បាន​។ ប៉ុន្តែ ដំណោះស្រាយ​នេះ មិនអាច​ប្រើប្រាស់​ដោយ​អ្នក​ដែល​ទទួលរង​ពី​ជំងឺ ទឹកនោម​ផ្អែម និង​ឈឺក្បាល​ប្រកាំ​ង ឬ​អ្នកមាន​បញ្ហា​សុខភាព​ផ្សេងៗ​ទៀត​បានទេ វា​អាច​នឹង​បណ្តាលឲ្យ​ស្ពឹក​អវៈយុវៈ​។​

​ដើម្បី​កុំឲ្យ​បញ្ហា​រមួលក្រពើ​កើតឡើង អ្នកគួ​រញ៉ាំ​ទឹកអោ​យបានច្រើន ដោយ អាស្រ័យទៅលើ​អ្វីដែល​អ្នក​បរិភោគ ភេទ កម្រិត​នៃ​សកម្មភាព​ដែល​អ្នកធ្វើ អាកាសធាតុ សុខភាព អាយុ​និង​ថ្នាំ​ណាមួយ​ដែល​អ្នក​បាន​ប្រើ​។ អ្នកគួ​រញ៉ាំ​អាហារ​ដែល​សម្បូរណ៍​ដោយ​សារធាតុ​រ៉ែ និង​បន្តឹង​សាច់ដុំ​មុនពេល និង​បន្ទាប់ពី​អ្នក​ប្រើ​សាច់ដុំ​ណាមួយ ក្នុង​រយៈពេល​យូរ​៕

ព័ត៌មានផ្សេងទៀត